Kinabaliwan at pinagpantasyahan ng mga kalalakihan noong dekada nobenta ang aktres at beauty queen na si Anjanette Abayari dahil sa kanyang ...
Kinabaliwan at pinagpantasyahan ng mga kalalakihan noong dekada nobenta ang aktres at beauty queen na si Anjanette Abayari dahil sa kanyang taglay na kagandahan. Siya din ay tinawag na Filipina version ni Catherine Zeta Jones na isang Welsh actress.
Gumanap siya bilang Darna noong 1994 na kung saan nakasama niya si Edu Manzano, Rustom Padilla, Pilita, Corales, Bong Alvarez at Cherry Gil.
Nanalo din siya bilang Binibining Pilipinas Universe noong 1991 pero dahil sa isyu sa kanyang pagiging American citizen ay nagback-out ito at pinalitan siya ni Maria Lourdes Gonzalez.
Kahit hindi siya ang lumaban sa Miss Universe ay madaming nag-offer sa kanya ng mga proyekto para mag-artista. Nakatambal niya si PFJ at ang comedy king Dolphy.
Samantala, panibagong kontrobersiya ang kinaharap niya noong mahuli at makitaan ng pinagbabawal na gamot ang kanyang bagahe sa ibang bansa na dahilan ng pagka-ban niya sa Pilipinas ng ilang taon.
Makalipas ang higit na isang dekada ay bumalik sa Pilipinas si Anjanette para dumalo isa isang family reunion.
Naimbitahan din siya na mag-guest sa mga ilang shows at sinabi niya dati na kung bibigyan ng pagkakataon ay maaari pa siyang bumalik sa Philippine showbiz pero hindi ito nangyari.
2018 naman noong na-engaged siya kay Gary Pangan na isang Pastor sa Amerika. Kahit meron anak si Anjanette sa ibang lalaki ay tinanggap niya ito at walang problema sa kanya.
Aktibo din siya sa kanyang YT channel at nag-uupload siya ng mga Bible Verses. Ang kanyang partner na si Gary naman ay inuupload niya ang mga travel at adventures nila sa iba'-ibang lugar.
COMMENTS